कालीगण्डकी नदी उर्लियो, मोदीवेणीमा चेतावनी तह नाघ्यो

निरन्तरको भारी वर्षाका कारण कालीगण्डकी नदीमा पानीको बहाव बढेर मोदीवेणीमा चेतावनी तह नाघेको छ । बागलुङ, पर्वत र म्याग्दी जिल्ला प्रशासन कार्यालयले तटीय तथा जोखिमयुक्त क्षेत्रका बासिन्दालाई उच्च सतर्कता अपनाउन र सुरक्षित स्थानमा बस्न आग्रह गरेका छन् । मुस्ताङतर्फबाट लेदोसहितको बाढी मिसिएर नदीको बहाव बढिरहेको भन्दै प्रहरीले नदी किनार तथा जोखिमयुक्त ठाउँमा नजान सर्वसाधारणलाई अनुरोध गरेको छ । कालीगण्डकी आसपासका म्याग्दीको बेनी, बागलुङको नियरघाट र मालढुङ्गालगायत स्थानका नागरिकलाई सुरक्षित स्थानमा बस्न भनिएको छ ।