देउवा पक्षले सुवोध प्रधानलाई लोकतान्त्रिक खेलकुद संघको अध्यक्षमा मनोनीत गर्‍यो

नेपाली कांग्रेसको शेरबहादुर देउवा पक्षले नेपाल लोकतान्त्रिक खेलकुद संघको अध्यक्षमा चितवनका सुवोध प्रधानलाई मनोनीत गरेको छ । पक्षको १५औँ महाधिवेशन आयोजक समितिका संयोजक प्रा.डा. शशांक कोइरालाले प्रधानलाई ६ महिनाभित्र अधिवेशन सम्पन्न गर्ने निर्देशनसहित अध्यक्षको जिम्मेवारी प्रदान गरेका हुन् । प्रधानले यसअघि पार्टी निकट संघको महासचिवको जिम्मेवारी सम्हालिसकेका छन् र उनी कांग्रेसका महासमिति सदस्य पनि हुन् ।