बागलुङ पहिरोमा १२ जनाको मृत्यु, एक बेपत्ता

बागलुङको निसीखोला गाउँपालिका–३ हर्दरमा पहिरोले घर पुरिँदा एकै परिवारका चार जनाको मृत्यु भएको छ। जिल्ला प्रहरी कार्यालय बागलुङका प्रमुख फणीन्द्र प्रसाईंका अनुसार मृत्यु हुनेहरू श्यामकुमारी विक र उनका तीन छोरा मनोज, मुकेश र निसान विक हुन्। माथिबाट अकस्मात् खसेको पहिरोले घर पुरिएको हो।

बागलुङमा अविरल वर्षाका कारण गएको पहिरोले पाँच जनाको मृत्यु भएको छ भने एक जना बेपत्ता छन्। प्रहरी उपरीक्षक फणिन्द्र प्रसाईंका अनुसार तमानखोला गाउँपालिकामा चार जनाको मृत्यु र एक जना बेपत्ता तथा निसीखोला गाउँपालिकामा एक जनाको मृत्यु भएको हो। निसीखोला गाउँपालिका–३ मा पहिरोले घर पुरिँदा श्यामकुमारी विक र उनका तीन छोरा मनोज, मुकेश र निसान विकको मृत्यु भएको छ। तमानखोला गाउँपालिका–३ धर्नासुकमा ८० वर्षीय बुद्धिराज घर्ती र ६६ वर्षीया भीमदेवी घर्तीको तथा तमानखोला–४ सन्तरका ५० वर्षीय हस्तविर श्रीपालीको मृत्यु भएको छ।

अविरल वर्षाका कारण बागलुङ जिल्लामा दुई दिनमा आएको पहिरोमा परी १० जनाको मृत्यु भएको छ भने एक जना बेपत्ता छन्। आइतबार मात्रै नौ जनाको मृत्यु र एक जना बेपत्ता भएका छन् भने शनिबार एक जनाको मृत्यु भएको थियो। तमानखोला गाउँपालिकामा चार जनाको मृत्यु र एक जना बेपत्ता तथा निसीखोला गाउँपालिकामा पाँच जनाको मृत्यु भएको छ। जिल्ला प्रहरी कार्यालय बागलुङका प्रमुख फणीन्द्र प्रसाईंका अनुसार निसीखोला–३ मा श्यामकुमारी विक र उनका तीन छोरा मनोज, मुकेश र निसान विकको पहिरोमा पुरिएर मृत्यु भएको हो।

बागलुङमा लगातारको वर्षापछि गएको पहिरोले घर पुरिँदा कम्तीमा १२ जनाको मृत्यु भएको छ भने एक जना अझै बेपत्ता छन् । जिल्ला प्रहरी कार्यालय बागलुङका प्रहरी प्रमुख फणीन्द्र प्रसाईंका अनुसार तमानखोला, निसीखोला र ताराखोला गाउँपालिकामा पहिरोका कारण मानवीय क्षति भएको हो । निसीखोला गाउँपालिका–३ मा पहिरोमा पुरिएर श्यामकुमारी विक र उनका तीन छोरा मनोज, मुकेश र निसान विकको मृत्यु भएको छ । यसैगरी तमानखोला गाउँपालिका–३ धर्नासुकमा ८० वर्षीय बुद्धिराज घर्ती र ६६ वर्षीया भीमदेवी घर्तीको तथा ताराखोला गाउँपालिका–५ सिपमा ५५ वर्षीय दिलबहादुर पुन र उनकी सासु म्याग्दीको मालिका गाउँपालिका–२ की ७९ वर्षीया नरमाया रोकाको मृत्यु भएको छ ।